الجميع في انتظار يوم 4 نوفمبر لرفض كل أشكال الوصاية على العالم الافتراضي طالما أننا انسحبنا من هذه المعركة في العالم الحقيقي أكيد أنّو الكل قام باعداد تدوينة أو تدوينات ليوم الغد أكيد باش نلا حظوا تنوّع في شكل التعبير عن الرفض لسياسة الحجب و الغلق و تدمير المواقع لكن كنت نسأل روحي برشة زعمة عمّار آش محضرلنا: ربّما يعمل فيها ديمقراطي و ينحني شوي للعاصفة التدوينية و من بعد يرجع يكمل خدمتو لأنو يعرف التونسي نفحاوي تهيج الناس لكل في لحظة ما و من بعد نرجعو كل فول لاهي في نوّارو و ربّما يعملها و توقع problème de connexion و يحمّل المسؤولية للمزودين أو الشبكة العالمية و ربّما يواصل خدمتو كأنو ما صار شي و ما سمع بشي و ربّما يبرمج حرب بالوكالة يخوضها عن طريق أطراف أخرى بديتو تعرفوها على كل آش مازال غدوة نشوفو؟؟ و الكلمة الحرّة تبقى حرّة رغم أنف عمّار
ليست هناك تعليقات:
إرسال تعليق